Am Ŵyl Gwrw a Seidr Llambed

Ein Taith

Mae Gŵyl Cwrw a Seidr Llambed, sy’n ddigwyddiad blynyddol poblogaidd ers 2015, yn dod â’r goreuon o blith bragu Cymreig i Lambed i chi fwynhau mewn awyrgylch bywiog a chroesawgar. Mae’r hyn a ddechreuodd fel digwyddiad bach a drefnwyd gan Ford Gron Llambed (criw bach oedd yn frwd dros gwrw lleol), bellach wedi blodeuo i fod yn ŵyl y bu disgwyl mawr amdani, gan gyrraedd ei 9fed flwyddyn o ddathlu cymuned, diwylliant a chrefftwaith cwrw.

Ein Detholiad

Rydym yn ymfalchïo mewn cynnig amrywiaeth eang o gwrw go iawn, lager, a seidr, gan arddangos y doniau bragu amrywiol a geir ledled Cymru. Mae ein gŵyl yn dathlu’r treftadaeth fragu gyfoethog a geir yn y rhanbarth, gan gynnig rhywbeth at ddant pawb, o flas dwys hopys cwrw i seidr melys sy’n torri syched.

Adloniant a Mwy

Ond nid y diodydd yn unig sy’n bwysig! Mae’r ŵyl yn brofiad synhwyraidd, yn cynnwys perfformiadau byw gan gerddorion lleol dawnus. Mwynhewch gymysgedd o gyfansoddiadau gwreiddiol a chaneuon cyfarwydd wrth i chi grwydro neuadd yr ŵyl. Mae’r arlwy o gerddoriaeth wedi’i guradu’n feddylgar i ddarparu trac sain bywiog i’ch diwrnod, o alawon ysgafn yn ystod y dydd i fiwsig egnïol gyda’r nos.

Danteithion Coginio

Nid oes unrhyw brofiad gŵyl yn gyflawn heb wledd, ac rydym wedi rhoi sylw i chi. Mwynhewch amrywiaeth o opsiynau bwyd poeth ac oer blasus, sy’n addas ar gyfer pob chwaeth a gofynion dietegol. Mae ein gwerthwyr bwyd yr un mor angerddol am eu crefft â’n bragwyr, gan sicrhau bod pob un pryd yr un mor gofiadwy â phob diod.

Wedi’i drefnu gyda Balchder

Trefnir Gŵyl Gwrw Llambed gyda balchder gan Tan a Chwrw Cyf, cwmni budd cymunedol. Wedi’i ffurfio yn sgil cau Bord Gron Llambed, mae ein tîm yn ymroddedig i gadw a gwella ysbryd yr ŵyl. Cawn ein gyrru gan gariad at ein cymuned, angerdd am gwrw a seidr gwych, ac ymrwymiad i ddarparu profiad gŵyl arbennig. Ymunwch â ni yng Ngŵyl Cwrw a Seidr Llambed, lle mae pob sip yn adrodd stori, a phob eiliad yn dod yn atgof. Ni allwn aros i’ch croesawu!